ಶಿವಕುಮಾರ ಬಿ.ಎ ಅಳಗೋಡು ಇವರ ಪತ್ರಿಕೆಯಲ್ಲಿ ಪ್ರಕಟವಾದ ಲೇಖನಮಾಲಿಕೆ ‘ಮುನ್ನುಡಿ’

ಶಿವಕುಮಾರ ಬಿ.ಎ ಅಳಗೋಡು ಇವರ ಪತ್ರಿಕೆಯಲ್ಲಿ ಪ್ರಕಟವಾದ ಲೇಖನಮಾಲಿಕೆ ‘ಮುನ್ನುಡಿ’ ಅತೀ ಶೀಘ್ರದಲ್ಲಿ ಪ್ರಕಟವಾಗಲಿಕ್ಕಿದೆ. ಇದೊಂದು ಕಿರು ಹೊತ್ತಗೆಯಾಗಿದ್ದು, ಎಲ್ಲರನ್ನೂ ಸೆಳೆಯುವ ಲೇಖನಗಳನ್ನು ತನ್ನೊಳಗೆ ಮೇಳೈಸಿಕೊಂಡಿದೆ. ಬಿಡಿ ಬಿಡಿ ಬರಹಗಳೆಂದು ಮೇಲ್ನೋಟಕ್ಕೆ ಕಂಡರೂ ಎಲ್ಲವೂ ಒಂದು ಕ್ರಮದಲ್ಲಿ, ಆಂತರಿಕ ಸಂಬಂಧದಲ್ಲಿ ರಚನೆಗೊಂಡಿದೆ. ಇಲ್ಲಿರುವ ಲೇಖನಗಳು ಒಟ್ಟು 17. ಅದರಲ್ಲಿ ಬಾಲ್ಯದ ಪರಿಸರ, ಬಾಲ್ಯದ ಶಾಲಾದಿನಗಳು, ವಿದ್ಯಾರ್ಥಿ ನಿಲಯದ ಮೆಲುಕು, ತಾರುಣ್ಯದ ಸಂಗತಿಗಳು, ಮದುವೆ, ದಾಂಪತ್ಯ, ಸ್ತ್ರೀಸಂವೇದನೆ, ವಾಸ್ತವ, ವಿಮರ್ಶಾತ್ಮಕ.,ಹೀಗೆ ವಿಭಿನ್ನ ಬಗೆಯ ಬರಹಗಳನ್ನು ಈ ಸಣ್ಣ ಪುಸ್ತಕದಲ್ಲಿ ಕಾಣಬಹುದು. ಎಳೆಯರಿಂದ ಹಳೆಯರವರೆಗೆ ಎಲ್ಲರೂ ಬೇಗನೇ ಓದಿ ಮುಗಿಸುವ, ಹಿಂದಿನ ನೆನಪುಗಳನ್ನು ಮರುಕಳಿಸುವ ಲೇಖನಗಳು ಇಲ್ಲಿವೆ. ಗಾತ್ರದಷ್ಟೇ ಬೆಲೆಯೂ ಕಡಿಮೆಯಲ್ಲಿರುತ್ತದೆ. ಒಂದಿಷ್ಟು ಸಮಯ ಮನಸ್ಸಿಗೆ ಆನಂದವನ್ನು ಕೊಡುವ ಈ ಪುಸ್ತಕವು ಇನ್ನು ಕೆಲವೇ ದಿನಗಳಲ್ಲಿ ಪ್ರಕಟಗೊಂಡು ಎಲ್ಲರ ಕೈಸೇರಲಿದೆ. ಇದನ್ನು ಬಹುಸಂಖ್ಯೆಯಲ್ಲಿ ಕೊಂಡು ಓದಿ ಕೃತಿಕಾರರನ್ನು ಪ್ರೋತ್ಸಾಹಿಸಿ…